【中國建設銀行(亞洲) 呈獻:FINTERVIEW】明年重倉股唔少得美AI股？(下)

【Now財經台】雖然港股近期有得彈，但今年最Hit嘅人工智能(AI)概念股似乎冇乜起色，而大型科網股嚟到年底表現一般，但外圍AI股仍有資金追捧。展望2026年，大型科網股會唔會係重點部署股份之一？

金馬資本交易策略師蘇沛豐表示，揀股主要睇企業盈利及增長前景，同埋公司本身嘅競爭力。佢又指，最Top嘅AI概念股大部分喺美國上市，資金自然追入美股嘅相關股份，事實上，美國AI股盈利及增長前景明顯較強勁，所以估值相對較高係合理，加上市場預期美國聯儲局明年會繼續減息，喺減息周期下，美股估值唔會點跌，所以維持較高估值係正常。

港股方面，Daniel認為，受制於內地經濟表現疲弱，缺乏明顯經濟增長動力，相關企業盈利前景會較遜色，好難同美股相提並論。