【名家給力場】美國「放水」托唔起股市？(上)

【Now財經台】美國財政部正提供流動性，但支持去哂金礦股度，未見對成個股市有太大支持，點解會有呢個情況？

「股市漁夫」創辦人莊志雄指，金價喺聯儲局講嘢或做嘢咗前已經升咗60%，金礦股就升超過1倍，但聯儲局喺12月10日宣布減息後，金價、銀價及金礦股繼續升，並帶動其他白金、銅及其他基本金屬價格向上升，當呢啲價格郁，某程度反映市場擔心美元明年將會跌得更多，若市場對美元失去信心，通常會買入金屬類產品，所以就出現呢個情況。

Lewis又指，依家釋放出來嘅流動性，似乎唔足以托起成個股市，只係見到個別範疇郁，以指數計郁得最好係中型股指數，聯邦公開市場委員會(FOMC)宣布「放水」後，中型股指數升咗2.4%，標指只係升咗0.5%，納指100就跌，所以流動性就算1個月有幾百億美元，都唔能夠將成個市托起，只能托起個別範疇。