【槓桿致勝】反手部署恒指PUT/熊仔有風險

【Now財經台】恒生指數今日(23日)高開74點後，一直維持約100點升幅，暫時已連升5個交易日，新上市兩日嘅牛證，25400點成加倉重點，熊證就未見明顯加減倉變化，重貨區繼續喺25900至26300點，恒指牛證係咪可以食糊？可唔可以反手開熊證或PUT部署淡倉？

高歌證券金融首席分析師聶振邦指，依家恒指處於較高水平，牛證可以考慮食糊，如果想反手部署熊證或PUT，雖然長假期就到，但美股於12月26日已經復市，喺呢個時間期間唔肯定美股係咪會跌，所以暫時唔建議反手部署PUT或熊證，建議買牛證食糊。