【名家給力場】Fed幣策明年左右全球股市大局？(上)

【Now財經台】2025年即將完結，好快就踏入2026年，年底前股市會點行？點睇明年大市嘅氣氛？

勝利證券首席顧問陳建良指，美股及港股喺年尾呢幾個星期觀望氣氛濃厚，但唔排除今年最後一個星期會有「Year End Rally」，如果大市喺聖誕後真係彈高，2026年第1季好大機會回調，所以唔彈反而更安全。

KL又話，今年唔少新興市場都跑贏美股，未來最大浮動因子(Swing Factor)係美國聯儲局明年嘅貨幣政策取向，近期債息向上，反映市場唔相信美國嘅通脹數據。

佢續指，如果聯儲局挽回唔到市場信心，美債、美匯都會同時跌，喺唔暴跌嘅情況下對新興市場仲有利，不過，若失業情況嚴重，局方因經濟陷入衰退而減息，新興市場就唔再係「避難所」。