【名家給力場】美AI取代人力進程放慢？

【Now財經台】美國9月失業率升至4.4%，係4年以嚟最高水平，而美國企業11月裁員人數按年升近24%，今年以來就炒咗逾110萬人，係疫情以來最多。點睇美國就業市場前景？

臻享顧問董事總經理王良享表示，失業及裁員係大趨勢，關鍵在於人工智能(AI)取代人手嘅速度。佢續指，過去1年AI取代人力嘅進程，實際上有所放緩，甚至停滯，可能同關稅政策及營商環境有關。

Tommy又話，裁員數字上升，轉工數字反而細咗，反映勞動市場對職位安全感有憂慮，依家基層員工及應届畢業生嘅職位空缺明顯減少，其實係勞動市場嘅結構性問題。