【專家分析】光伏業「反內捲」措施要等中經會？

【Now財經台】中央政治局會議昨日(8日)召開，有大行話失望，原因係好多市場關心嘅字眼都冇出現，其中，「反內捲」方面，光伏係風眼行業之一，點睇今次會議內容？

天風國際李偉傑指，政治局會議一向都只係講大方向，細節一般會喺中央經濟工作會議披露，市場依家都等緊光伏行業嘅「反內捲」措施細節出台。

Jason又話，其實11月中已傳出光伏行業整合時間較長，後來光伏協會發表聲明否認，佢續指，要有具體整合時間出咗嚟，先可以令行業價格穩定落嚟。