【專家分析】派拉蒙突殺出高價搶WBD Netflix未必輸？

【Now財經台】Netflix計劃收購華納兄弟探索(Warner Bros Discovery，WBD)幾乎日日都有新發展，繼日前傳出美國總統特朗普(Donald Trump)表明會介入後，最新又殺出程咬金，派拉蒙天舞(Paramount Skydance)提以每股30美元，涉及逾1000億美元，仲要係全現金收購WBD，出手高過Netflix，被市場解讀為「敵意收購」(Hostile Bid)，到底邊個勝算大啲？

高富金融集團投資總監梁偉民指，由於依家情況仍然唔明朗，所以好難預測WBD最落入邊個手上，雖然派拉蒙出價更高，但收購部分更多，所以好難估計Netflix股東最後會點揀。不過，Netflix股價昨晚(8日)受壓，反映市場擔心出價太高，同埋收購內容未必對Netflix吸新客有太大幫助。