【名家給力場】水緊國銳「踩過界」買嘢搞乜？

【Now財經台】國銳生活(00108)股價今日(8日)一度衝上52周高位，即4.28元，但之後走勢突急轉直下，最新報3.75元，挫近6%。集團上周五(5日)公布，將斥資2.69億人仔，收購北京春下軟件旗下互聯網醫療企業「春雨醫生」約78%股權，點解公司會收購一家同本業冇關嘅目標公司？

《香港股票財技密碼》作者梁杰文認為，國銳除咗希望分散投資風險，亦有可能係睇中「春雨醫生」手上有1.8億顧客，但呢間目標公司同國銳本業冇關，所以好難產生協同效應，更重要係，國銳管理層未必有呢方面嘅專門知識去營運，所以小股東會擔心公司唔太可能喺短期內扭虧為盈。

Mike又話，雖然國銳資產規模比目標公司大好多，但現金儲備不足，銀行負債近30億人仔，長遠未必可以無限燒錢去撐「春雨醫生」。