【名家給力場】關焯照:美國明年唔止減1次息

【Now財經台】美國聯儲局將於下周議息，市場預期好大機會減息0.25厘，相信會利好股市表現，之後就輪到日本央行議息，依家加息預期明顯升溫，兩大央行議息結果會點影響市場？

冠域商業及經濟研究中心主任關焯照認為，日央行係有機會加息，但加幅唔會考慮市場反應，上次日圓拆倉潮拖累日股單日暴瀉幾千點，若日圓急速下滑一定會影響全球股市。佢又話，上了寶貴一課後，相信日央行會更懂得管理市場期望，所以日圓未來會逐步轉強，唔使太擔心加息會引爆拆倉潮。

美國息口方面，關博士就話，要留意聯儲局主席鮑威爾(Jerome Powell)嘅言論，尤其近日美國勞動市場疲弱，相信聯儲局會以勞動市場風險為主軸去平衡美國通脹，因此，預期明年減息次數應多於1次。