【專家分析】Bitcoin跌定轉勢可執平貨？

【Now財經台】Bitcoin價格昨晚(2日)勁彈，錄得4月以嚟最大升幅，上返92000美元水平，超跌反彈唔出奇，但咁強勢反彈，再睇埋消息面及技術走勢，Bitcoin價格走勢係咪有望好轉？

泓瀚資本董事盧志威指，包括Bitcoin在內嘅加密貨幣，10月開始都要跌，而且跌幅顯著，原因包括調倉及殺倉，以及涉及加密幣交易嘅人被控告， 而呢啲人士持有嘅加密幣就被充公或扣住，呢兩個因素加埋就會影響整體加密幣走勢。

William又話，依家保值類資產仍處於有利位置，估計加密幣應會喺現水平企穩，但要升上去仍需時，以Bitcoin為例，單日可以升5%至8%，雖然依家未有大幅推高價格因素，但由於價平，所以都會有投資者趁機買入。