【專家分析】美股「聖誕老人」今年派唔派禮物？

【Now財經台】美股昨晚(1日)喺12月開局未能有個好開始，3大指數全線下挫，但睇返過往嘅Santa Claus Rally(聖誕行情)，自1950年以來平均升逾1%，而喺聖誕後最後4個交易日及新年後首2個交易日，自1993年以來有67%機會升，今年會唔會出現Santa Claus Rally？

高富金融集團投資總監梁偉民估計，美股今個12月表現會差啲，始終今年已經升咗好多，3大指數已累升15%至20%，其實去年12月美股都係升唔起，甚至要跌，所以投資者都要小心，因為市場過去兩三個月已price in咗好多利好因素，所以要再谷美股向上似乎已冇乜籌碼，預期美股今個月會以整固為主。