【期匯決算】Bitcoin「見熊」仲有冇得彈？

【Now財經台】近期比特幣(Bitcoin)價格大跌，已自10月高位回落20%，技術上已步入熊市，雖然今年仍累升約4%，但今個星期已跌穿50周線，即10.3萬美元嘅關鍵水平，下一個支持位置喺咩水平？

獨立外匯商品分析師盧楚仁指，Bitcoin近期走勢都係「彈散」，令人失望，主要受2大因素困擾，首先係美股呢兩日回調，其次係美元反彈，都會對Bitcoin不利。

Jasper又認為，Bitcoin後市好大程度要睇美股走勢，若美股今次回調之後成功築底回升，Bitcoin亦有望跟隨大市反彈，建議投資者可以留意9.7萬美元關口，相信短期可以企穩，並留意可唔可以上返去10.5萬美元。