【專家分析】聶Sir:美股後市要睇就業數據

【Now財經台】雖然美國政府結束史上最長，歷時43日嘅停擺，但由於最少有3名聯儲局官員「放鷹」，令市場對12月減息預期急降溫，據最新利率期貨顯示，下月減息0.25厘嘅機會唔夠50%，拖累美股3大指數昨晚(13日)重挫，其中，道指收市瀉近800點。點睇美股後市？

博威環球證券金融首席分析師聶振邦指，美股呢兩日都係個別發展，傳統金融股向上，科技股就要捱沽，雖然12月再次減息嘅機會大減，但隨著停擺結束，就業數據將重新發布，若數據偏弱，到時減息預期會再升溫。

聶Sir估計，1至2星期後，市場氣氛將會緩和，因此，美股下周止跌回升嘅會較大。