【專家分析】域能控股食虛擬資產條水爆升

【Now財經台】域能控股(00442)股價今日(13日)一度飆62%，高見1.4元，公司有2單消息，首先行計劃「2供1」，供股價71仙，較昨日(13日)收市價折讓17%，集資6100萬元。另一個消息係公司向控股股東兼主席蘇樹輝，收購虛擬資產交易所VAX約5.56%股本，代價1億元。

《香港股票財技密碼》作者梁杰文指，域能本業過去幾年一直蝕錢，導致股價持續低迷，集團需要新概念或新業務，為投資者帶嚟新憧憬。目前，虛擬資產喺內地係唔合法，內地投資者憧憬香港有虛擬資產平台牌照，加上公司已完成收購香港金銀業貿易場會籍，有機會產生協同效應，加上賣點獨一無二，呢啲因素都會炒起股價。

不過，Mike認為，呢單Deal令域能股價大升，投資者反而可以考慮趁高止賺套現。