【專家分析】停擺結束！美經濟將現報復式增長

【Now財經台】美國總統特朗普(Donald Trump)快將簽署法案正式結束政府停擺，期間由於政府長時間停擺，近期嘅市場分析都係依賴民間數據，冇咗官方數據會唔會影響聯儲局嘅決策？隨著政府作復常，官方數據逐步出爐，市場對美國經濟前景嘅憂慮會唔會加劇？

東亞證券高級投資策略師陳偉聰指，由於短期內官方會出返10月停擺高峰期嘅經濟數據，估計數值都會較差，加上11月且密歇根大學消費者信心指數跌至50.3，創新低，同埋預期第4季國內生產總值(GDP)將跌至1.5%，反映停擺影響美國市民消費及就業信心，但亦為聯儲局12月再減息提供條件，因此，就算經濟短期差少少，但喺減息憧憬下，市道亦唔會太差。

Jason又估計，美國政府重啟後，明年第1季經濟數據將出現報復式增長。