【FINTERVIEW】美股年底吼呢兩個板塊(上)

【Now財經台】投資者預期美國政府停擺風波快將結束，但美股3大指數昨晚(12日)個別發展，其中，道指又破頂，收市升326點，升穿48000關，但納指要跌，科技股持續偏軟，似乎同資金轉投傳統防守股有關，呢個趨勢會唔會愈嚟愈明顯？想部署科技股或高Beta股嘅投資者，係咪等明年會更好？

金馬資本交易策略師蘇沛豐指，參考過往嘅減息周期，低Beta及防守股跑贏嘅機會較大，科技股領先一段時間後，間中會出現板塊輪動，資金流向較落後嘅板塊追落後或短期避險。

佢建議，未來幾個月投資者可以留意防守股，例如電力及醫藥股，前者防守力強，加上有人工智能(AI)概念，數據中心帶動電力需求，有穩定增長動力。後者長時間跑輸大市，早前美國總統特朗普(Donald Trump)同藥企輝瑞(Pfizer)達成降低藥品價格協議，紓緩市場嘅憂慮，醫藥股估值反彈，近期股價反覆向上，有追落後潛力。