【槓桿致勝】恒指熊仔點擺位？

【Now財經台】恒生指數昨日(10日)大升逾400點，好友即食糊離場，好倉昨日流出近6000萬元，但淡倉昨日轉為流入6710萬元。此外，牛證重貨區仍然喺25100點，最貼嘅26000點係最多人加倉，熊證重貨區就上移至27000點。大市今朝(11日)先升後跌，如果熊證收回價擺27000點，防守力算唔算強？

元宇證券基金投資總監林嘉麒指，大市上星期去返100天線，見到恒指出現反彈，有部分投資者選擇加倉，26000點係一個大關口，亦係上周裂口支持底部，今輪反彈有機會上到27000點，甚至10月高位27300點，所以熊證部署喺呢個水平都好合理。