【期匯決算】加元有機見1.44水平

【Now財經台】美國總統特朗普(Donald Trump)宣布終止同加拿大嘅貿易談判，加元應聲下跌，跌穿1.4水平，若特朗普態度持續強硬，點睇加元後市？

獨立外匯商品分析師盧楚仁指，加拿大陷入經濟衰退，當地實施寬鬆貨幣政策，加拿大央行未來或會繼續減息，相信加元會持續弱勢。

佢又話，特朗普終止同加拿大嘅貿易談判，令加元走勢雪上加霜，Jasper又話，後市要留意加元可唔可以企穩1.415水平，若再有不利消息，有機會見1.44水平。