【專家分析】業績期下周殺到 美股繼續睇升？

【Now財經台】美匯指數昨日(9日)進一步反彈至近100水平，債息就變動唔大，美股下周就會進入業績期，將由摩根大通及摩根士丹利等大銀行打頭陣，市場估計，銀行股上季盈利普遍復甦，但仍擔心啟動減息周期會銀行有影響，點睇美股後市？

博威環球證券金融首席分析師聶振邦指，美國經濟數據如國內生產總值(GDP)等已逐步靠穩，佢相信，銀行業績好大機會符合市場預期，所以美股未必會有太大下行壓力。

聶Sir又指，市場預期，美國聯儲局年內仲會減2次息，但美元仍然強勢，主要是市場關注日本及法國政局變化，令日圓及歐元偏弱，美元向上，佢認為，美元強勢可帶動美股向上。