【專家分析】美AI巨企互相投資利估值

【Now財經台】美國科技巨企英偉達(Nvidia)繼入股英特爾(Intel)後，再入股OpenAI，而OpenAI又跟甲骨文(Oracle)相互投資，市場憂慮呢啲科技巨企嘅「關係」外，亦擔心出現人工智能(AI)泡沬，點睇呢啲互相投資入股嘅操作？

東亞證券高級投資策略師陳偉聰認為，Nvidia跟以做晶片代工為主嘅Intel加強合作，對雙方都有好處，首先對Intel喺AI晶片開發有幫助，其次係Nvidia可以喺美國本土搵到自家代工商。

Jason又話，雖然市場擔心AI企業會隨著競爭加劇互相「開戰」，但暫時睇嚟，上述提及嘅科技巨企互相入股、投資都以合作為主，因此，暫時睇唔到呢啲龍頭企業會出現惡性競爭。佢續指，相信市場估值時，呢啲科技巨企之間嘅戰略性合作，會係考慮因素之一，而短期內亦會對股價有支持作用。