【FINTERVIEW】由股市表現睇中美科技戰(上)

【Now財經台】美國聯儲局主席鮑威爾(Jerome Powell)喺Jackson Hole全球央行年會為市場帶嚟驚喜，為減息「開綠燈」，市場憧憬美國9月開始減息，投資者應該點部署？

富邦銀行(香港)投資策略及研究部主管潘國光指，美股今年或會繼續創歷史新高，但今年以嚟美股只係累升約10%，反觀港股累升近30%，近期強勢嘅A股亦累升近20%，除咗追落後因素，因為港股及A股估值仍然好平，所以先會升咁多。

Vicks續指，美股喺科技股帶動下繼續破頂之旅，其實港美科技發展差距唔係非常大，而內地科技及人工智能(AI)層面及深度其實都比美國更廣，加上性價比高、競爭力強，喺呢個情況下，就算美國繼續封鎖AI唔畀內地接觸，新興市場用內地嘅「平靚正」科技都唔會有好大影響，值得留意係，就算呢個概念唔會完全發生，都會收窄美股及中概股嘅價值。