【專家分析】特朗普「用錢買許何」做法違憲？

【Now財經台】市場呢幾日著眼於美國總統特朗普(Donald Trump)新政，指有意向英偉達(Nvidia)及AMD徵15%中國收入以換取晶片出口許可，亦傳出佢有意擴展到其他行業，不過，美國國內就有聲音指呢個做法違憲，消息對企業嚟講係好定壞？政策最終會唔會成事？

東亞證券高級投資策略師陳偉聰指，對公司而言可能係正面作用，特別對於科技股或晶片公司，佢哋可以保留到中國呢個較大嘅市場，繼續向中國供應人工智能(AI)晶片等產品，所以喺收入上可以維持一個唔錯嘅增長，當然部份業務可能要交15%稅，但對Nvidia呢類公司嚟講，未必會太介意呢個比例，但Jason就覺得，出口關稅推到其他行業嘅機會未必咁大。

至於違憲方面，Jason話，過去特朗普都有一啲被懷疑係違憲嘅舉動，最終都透過行政命令或者上訴去令到法院判決未必咁有效，所以都要繼續觀望。