【名家給力場】美減3次息後會撻著通脹？(下)

【Now財經台】美國7月消費物價指數(CPI)昨晚(12日)出爐，按年升2.7%，略低過預期，令聯儲局9月減息預期升溫，年底前仲有3次議息會議，會唔會次次都減息？

「股市漁夫」創辦人莊志雄指，如果跟據依家市場預期，嚟緊3次都會減，本身聯儲局會跟據利率期貨情況去決定減唔減，7月尾嘅時候，主席鮑威爾(Jerome Powell)放鷹，市場就普遍認為唔減，但8月1日非農數據公布後，又比市場預期差，經濟放緩減息預期突然又升溫。

Lewis又話，利率期貨浮動不定，容易被新消息影響走勢，主要睇嘅超級核心通脹，指不包括食品、能源及租金過去幾次都升，如果繼續睇經濟數據好難減到息，加上如果之後特朗普(Donald Trump)真係炒咗鮑威爾，聯儲局大換血，減完3次息之後，撻著通脹嘅機會好大，會好似2021至2022上半年咁控制唔到。