【專家分析】聶Sir:「寧王」唔怕鋰價飆因為...

【Now財經台】有報道指，由於許可證續期問題，寧德時代(03750)旗下1座位於江西宜春市嘅大型鋰礦，須停產最少3個月，消息一出，內地碳酸鋰價即時抽升3%，依家集團喺內地只得2個主要鋰礦資源項目，其中1個停產，鋰價又急升，寧德時代嘅成本壓力會唔會大增？

博威環球證券金融首席分析師聶振邦指，其實寧德時代主要造電池材料及電池系統，鋰礦資源業務收入佔比唔大，就算鋰價抽升，都唔會對公司業務造成好大影響，所以見到寧德時代股價今日(11日)仍有得升。

聶Sir又指，雖然寧德時代業務前景仍樂觀，但股價未必可以借勢上返470元水平，佢估計，股價暫時會喺380元至430元上落。