【專家分析】美國藥股要避一避

【Now財經台】美國總統特朗普(Donald Trump)預告將會喺1星期內，公布進口藥物及晶片關稅稅率，其中，藥物稅率有機會由最初較低水平，最終大增至250%，目的係迫使藥物喺美國本土生產，措施對藥股及生物科技股造成幾大衝擊？

潤淼資產管理董事盧志威指，美國藥價及醫療費好貴，要解決呢個問題，除咗當地藥廠要減價外，對外就要加關稅，但呢兩個做法都對美國藥股造成影響，暫時睇嚟前景唔太樂觀，建議暫時避開美股嘅藥股。

至於在港上市嘅生物科技股，William就話，措施對生物科技股及藥股有長遠負面影響，若措施令整體市場收縮，估值或要折讓，估計相關股份短期會出現回調。