【專家分析】Meta靠AI交超靚業績

【Now財經台】美國科技巨頭Meta昨晚(30日)交咗一份靚業績，股價喺美股收市後延長交易時段飆10%，創新高。Meta第2季收入按年增長22%，經營利潤等指標亦好過預期，其中，廣告及Family of Apps收入增長亮眼，今次業績係咪同Meta大力發展人工智能(AI)業務有關？

耀才證券研究部總監植耀輝指，大型科企一向基數高，所以市場唔預期呢份業績有咁大驚喜，不過，Meta呢份業績遠超預期，加上第3季展望非常樂觀，就帶動股價盤後大升。

Stanley又話，Meta今次交到靚業績同AI有好大關係，因集團業務同AI關聯度高，可以善用算力推動平台發展。廣告方面，Meta每日有逾34億活躍用戶，就算只得10%用戶被成功商業化，其實已經好好，如果要進一步提升收入，就可以靠AI算法精準地向相關受眾投放廣告，所以Meta好明顯受惠於AI發展。