【專家分析】若Microsoft及Meta業績有差池股價恐...

【Now財經台】美股「科技7雄」(Magnificent 7)繼續派成績表，今晚(30日)會輪到微軟(Microsoft)及Meta，而市場對呢兩份成績表期望好高，其中，最關注微軟Azure雲端平台嘅人工智能(AI)貢獻增長幅度，Meta方面，市場聚焦集團大規模建設AI數據中心，以及高薪搶AI人才對毛利率嘅影響，呢兩份成績表對美股有咩影響？

潤淼資產管理董事盧志威指，近期出爐嘅美國企業業績的確麻麻，所以美股3大指數昨晚都受到拖累，佢建議投資者分散投資，雖然科技巨企整體形勢慢慢向上，但美股依家已升至高位，由於市場期望好高，一旦業績有少少瑕疵，個別公司股價跌5%至10%都唔出奇。