【期匯決算】美匯指數短期阻力睇99.5

【Now財經台】美國關稅政策逐步明朗化，已經同美國達成協議嘅國家，最終稅率都低過預期，美匯指數連跌6個月後，7月暫時升逾2%，勢成今年表現最好嘅月份。聯儲局議息結果將會喺本港時間周四(31日)凌晨出爐，美匯指數有冇力再上？

連連STAR FX總經理陳欣指，美匯指數近日大幅反彈，主要係經濟數據向好，以及美國陸續同貿易伙伴傾掂數，特別係歐盟，因市場憧憬美元未來會向上。

Chase又話，聯儲局今個星期減息機會唔大，但9月減息機會仍有60%，如果到時真係減息，估計美元短線會有反彈，但唔排除中線會掉頭向下，除非經濟數據強勁，先有機會繼續向上，估計99.5水平會係短期阻力，中短線阻力就睇100水平，如果短期內冇進一步利好消息，美匯指數好難繼續突破。