【專家分析】農夫山泉估值唔平兼唔好炒

【Now財經台】農夫山泉(09633)股價今日(25日)逆市升，上周至今已累升17%，市監局發布《價格法》嘅修正草案兼徵求意見，內地「反內捲」政策對改善茶飲股競爭有幾大作用？

亨達財富管理董事總經理姚浩然指，《價格法》至少可以減少惡意減價，因為以往市場最怕企業為咗搶市佔率，旗下產品不斷同對手鬥減價，依家開始留意到價格唔牽涉「内捲」，就會令售價穩定返，亦可以keep到毛利率，有助盈利回穩。

Patrick續指，農夫山泉估值唔算平，預測市盈率(PE)約30倍，市場預期，集團上半年收入及利潤按年增長約20%，但呢個增幅就唔算好吸引，市場唯一可以炒係習慣及必須性，否則，呢啲飲品股嘅股價未必有好大上升空間。