【期匯決算】歐元有機調整至1.14水平

【Now財經台】歐盟力爭今個星期同美國達成貿易協議，美國總統特朗普(Donald Trump)指好大機會喺明日(11日)發出新關稅信，期權市場依家傾向押注歐元短線會出現調整，但長線因美元轉弱帶嚟嘅升勢未變，但歐元見咗短期頂部未？

亨達集團助理總經理羅明立指，歐元兌美元喺1.19水平有阻力，如果歐元受制1.18水平亦唔意外，始終美匯指數落到96水平，跌幅已較預期會跌到94至95水平細，美元出現適度反彈都係合理。

Patrick又話，1.16水平會係首個支持位，唔排除會調整至50天線，即1.14水平，但投資者仍可部署喺低位買入。