【FINTERVIEW】呢類股份唔發力港股難向上突破(下)

【Now財經台】美國昨晚(9日)繼續派「新關稅信」，涉及8個國家，其中，巴西貨品面臨50%嘅高關稅，值得留意係，由於因為市場仍沉浸喺「Taco交易」(Taco Trade)之中，美股3大指數昨晚全線升，反而對港股影響更大，恒生指數連日喺24000關掙扎，若Taco Trade持續，港股係咪好難收復24000關？

金馬資本交易策略師蘇沛豐指，自3月開始，恒指向上已有阻力，而過去兩個月都企唔穩24000關，主要係美國關税政策對內地經濟有較大潛在影響，例如美國早前同越南傾掂數，但考慮到越南可以幫中國貨品「洗產地」避關税，美國就出招防中國貨品避關税，佢認為，即使中美談判未來有新進展，都好難消除分歧，對中國出口仍有影響。

港股方面，Daniel指，科技股炒完DeepSeek概念，就冇新催化劑推動股價向上，導致科技指數跑輸恒指。佢又話，近期恒指反彈係受內銀股呢類舊經濟股帶動，若新經濟股唔發力，相信恒指好難向上突破。