【專家分析】點解Trump派新關稅信冇出現股匯債三殺？

【Now財經台】雖然美國總統特朗普(Donald Trump)嘅「新關稅List」陸續出爐，其中，巴西貨品面臨50%高關稅，消息一出，即重挫巴西貨幣雷亞爾。雖然特朗普陸續向各國派新關稅信件，但未有股匯債三殺現象，點解讀呢個情況，係咪關稅問題逐步明朗化，投資者反而可以放心入市？

東亞證券高級投資策略師陳偉聰指，特朗普嘅談判技倆市場都見怪不怪，到底最後係咪真係徵收50%關稅，佢認為變數仍然好大，始終美國同巴西嘅貿易關連度較高，因為美國對巴西嘅農產品、大宗商品有一定程度嘅依賴，若真係徵收50%關稅，對美國通脹都有影響，並估計巴西亦會作出妥協。

Jason又話，其實投資市場唔太關心巴西被徵收幾多關稅，反而關注歐盟、日本及印度等較大經濟體，如果呢啲經濟體嘅關稅最終只係10%至20%，對美國經濟、通脹壓力就冇想像中咁大。