【專家分析】政治風暴進一步打殘Tesla？

【Now財經台】Tesla創辦人馬斯克(Elon Musk)再有大動作，之前宣布成立新政黨「美國黨」(America Party)，市場擔心特馬關係惡化會不利馬斯克嘅生意，拖累Tesla股價昨晚(7日)收市大跌近7%，插穿300美元，錄得逾1個月以嚟最大跌幅，今年以來就累跌逾20%。電動車及無人駕駛業務面對激烈競爭嘅同時，馬斯克再殺入政壇，Tesla呢隻股份風險係咪愈來愈大？

高富金融集團投資總監梁偉民指，馬斯克同美國總統特朗普(Donald Trump)關係進一步惡化，市場十分關注Tesla會唔會成為特朗普政府「眼中釘」，相對於市場最驚嘅潛在政策風險，馬斯克再從政、電動車唔再保值都唔係重點。

Wyman補充，市場仍對無人駕駛有一定憧憬，但試行後熱情冷卻咗，所以投資者應聚焦返公司嘅潛在隱憂。佢又提醒有貨嘅投資者要小心，Tesla估值高，市盈率(PE)高達150倍，預期股價會持續受壓，而且下跌空間唔細。