【名家給力場】Classified Group賣盤反映餐飲業路難行？

【Now財經台】餐飲股Classified Group(08232)上周三(2日)開市前停牌，據聯交所資料顯示，主要股東、海洋公司主席龐建貽及黃子超已就出售持股訂立協議，將會由THAC Group BVI Limited接手，今次賣盤係基於咩原因？係咪反映本港餐飲業已冇路可行？

《香港股票財技密碼》作者梁杰文指，除咗經濟周期因素，都同公司財務狀況有關，集團上市10年一直「見紅」，令公司資產淨值及股東權益持續下跌，一旦變成負資產公司會更加不利，所以呢兩個係觸發今次賣盤嘅原因之一。

Mike又話，今次賣盤對賣家最著數，每股資產淨值(NAV)0.1元，市帳率(PB)10倍，溢價20%，條件非常優厚，對買方而言，買入一個上市平台，有助打響品牌知名度，未來跟供應商爭取更優惠協議。