【專家分析】現價買Nvidia博年底前升20%

【Now財經台】7月開局冇耐，美股已明顯跑贏，標指及納指升逾1%，但港股暫時就要跌，下半年有咩股份值得留意？亨達財富管理董事總經理姚浩然指，下半年睇好3類股份，包括人工智能(AI)、金融及經濟敏感度低嘅股份。

Patrick認為，美股「科技7雄」(Magnificent 7)之一嘅英偉達(Nvidia)，可以作為下半年投資主力，因為第1季業績睇到毛利率開始穩定，加上AI晶片Blackwell開始全面投產後，睇返第2季指引，保證金比例由第1季71.2%上調至72%。

佢續指，因為發現巨型股(Mega Cap)喺DeepSeek出現後對算力需求大，所以Blackwell下半年可以繼續睇好。基於1月做年結，估計2026年及2027年1月，Nvidia市盈率(PE)分別逾40倍及近30倍，以集團增長動力計，約30倍PE唔算貴。Patrick又指，Nvidia股價過去1年喺100美元至150美元上落，依家突破咗150美元，佢估計，股價未來一段長時間仍會向上，不妨現價買入，年底目標睇180美元至190美元，即較現價升最多19%。