【專家分析】新城發展要繼續撲水解財困

【Now財經台】新城發展(01030)於上周四(12日)指，計劃發行一筆3年期美元優先票據，係兩年以嚟首次有民企內房涉足美元債券市場，所得資金用嚟贖回今年7月及10月到期嘅兩批未償還票據，但計一計條數，發行票據所得嘅資金唔夠贖嗰兩批票據，「債冚債」利息高咗，違約風險係咪都會相應高咗？
博威環球證券金融首席分析師聶振邦指，違約風險的確高咗，新城發展寧願用高息方法作借貸，肯定係喺錢銀上有急需嘅考慮，中長線嚟睇，公司財務狀況仍面對好大挑戰。
聶Sir又指，今次公司選擇先用錢解決現有嘅問題，未來一至兩年嘅債務狀況，就寄望內房銷情會好轉，等信心問題解決後，先再融資，基本上，新城發展後續一定要再融資，先可以處理公司債務問題。