【名家給力場】駿高有貨可「坐」多3個月先食糊

【Now財經台】停牌近1個月嘅駿高控股(08035)今日(16日)復牌，股價一度飆1.3倍，高見0.15元。公司喺4月底獲大股東增持股份，涉及1.52億股，每股作價0.05元，大股東持股量由約29%大升至逾54%，按例須提全購，但值得留意係，要約價高過增持價，即每股0.06元，點睇呢個要約價？
《香港股票財技密碼》作者梁杰文指，主要係受全購規則限制，公司曾經喺年初用0.06元嘅價位，喺市場上增持股份，當觸發到全購規則後，就要睇返公司喺半年內，有冇喺市場或市場外收購過股份，如果有，就需要用收購股份嘅最高價，即0.06元，向餘下嘅小股東提出全購要約，所以呢次要約價先會高0.01元。
駿高股價今日一度升呢變毫子股，但之後又打回原形變返仙股，後市仲有冇憧憬？Mike就話...