【期匯決算】美匯指數短期續受壓

【Now財經台】美國5月通脹進一步降溫，整體及核心消費物價指數(CPI)都低過預期，似乎未受關稅戰影響，美匯指數亦反應唔大，喺98至99水平徘徊，美國今晚(12日)會拍賣一批30年期國債，美匯指數會點走？

獨立外匯商品分析師盧楚仁預期，美匯指數短期仍會受壓，雖然中美經貿會談傳嚟好消息，但利淡美元嘅消息更多，除咗通脹數據，伊朗聲稱會襲擊美軍及美國洛杉磯亂局等因素，短期都會困擾美匯指數。

Jasper認為，市場需時消化利淡消息，亦要留意美國經濟數據及財赤問題，相信要等呢啲不明朗因素消退後，美匯指數先有機會回升，佢建議留意上次低位，即97.92水平，一旦失守，有機會跌至97.5，甚至要落到97水平先搵到支持。