【名家給力場】美股再破頂要睇...(上)
【分析】 2025/06/11 15:51

【Now財經台】中美貿易談判氣氛緩和,帶動股市向上,現時標指同歷史高位只相距約2%,美股有冇機會破頂?美國明晚(12日)會拍賣長債,會唔會成為破頂嘅絆腳石?
「股市漁夫」創辦人莊志雄指,短期而言,市場氣氛有改善,因為中美喺關稅問題上傾得埋,睇返納指,雖然指數向上,但市寬仲未收復到跌市前嘅失地,意味可以升穿200天線嘅股份少,依家係用緊少數股份撐市。
Lewis又話,明晚拍賣30年期長債,債息衝上,導致價格波動,同投資者買長債嘅意欲背馳,但亦反映市場對未來通脹嘅睇法,中長期要留意聯儲局及通脹數據嘅配合,美股先有機會破頂。
![]() | 莊志雄 「股市漁夫」創辦人 |