【專家分析】赤字城平台分得夠細最煞食

【Now財經台】赤字城科技(09911)會針對唔同客群，將平台細分為唔同種類，單係社交業務已分為社交平台、直播平台、語音平台、遊戲平台、陪伴社交平台等，每個平台有自己嘅App，盈利轉化能力強，究竟赤字城本身有咩優勢？

天風國際證券經紀業務部董事李偉傑指，赤字城嘅優勢係持續性擴展，因為每個App都係靠打賞博主，同埋傾偈帶嚟盈利分成貢獻，唔同社交平台就針對性畀唔同群組使用，群組類別分得好仔細，但仍然係來自同一個客源，呢個就係赤字城成功關鍵。

Jason續指，赤字城依家仲做緊海外市場，拓展性較高，但暫時未有政策及文化上嘅監管壓力，因此，可以喺唔同嘅社交平台，做更多迎合唔同年齡群組嘅變化。佢補充，未來只會愈嚟愈多平台，用戶嘅生命周期或隨著年齡增長產生新群組，可持續性暫時仍然較高。