【名家給力場】港交所可食住個勢衝500關？

【Now財經台】摩根士丹利之前轉軚唱好港交所(00388)，跟手調整埋目標價，相隔1個月，大摩再上調目標價，最新睇500元，除咗睇好日均成交更上層樓，亦因為睇好本港IPO市場，估計下半年IPO步伐將會加快，又預期今年新股集資額約1800億元，明年更升至3100億元，如果IPO旺場，港交所變「啡底股」係咪指日可待？

《香港股票財技密碼》作者梁杰文指，港股IPO今年首5個月嘅集資額暫居全球首位，如果新股市場持續暢旺，相信全年集資額有望成為全球No.1。佢又話，雖然環球投資者擔心中美貿易戰帶嚟嘅不確定性，但有危亦有機，貿易戰反而有機會令香港成為中資企業上市首選地，或者觸發喺美國上市嘅中概股回流香港掛牌，令香港間接受惠。

Mike補充，港交所股價近期升勢凌厲，短短2至3個月已由300元水平衝上400元水平，所以唔排除有機會上到500元。