【專家分析】揀內銀股要睇地區

【Now財經台】息率高又穩定嘅內銀股，一向受國內及海外投資者歡迎，今年股價升30%或以上嘅內銀唔少，其中，以重慶農村商業銀行(03618)表現最好，其次係中信銀行(00998)、瀘州銀行(01983)、徽商銀行(03698)等，過去投資者普遍聚焦中工建農四大行，但地區銀行或地區農商銀行表現更突出，重慶農商行有咩優勢？內銀股又應該點揀？

王道資本及家族資產管理執行董事黃敏碩指，唔同地區有唔同優勢，重慶農商行主要負責嘅地區，經濟增長比其他城市行得快，加上貸款需求持續強勁，兩方面都做得好之下，就可為股份帶來優勢，加上市帳率(PB)唔算高，有足夠增長空間，成為另一個有利之處。

Michael又指，選擇內銀股時，銀行嘅地區好重要，招商銀行一向(03968)被視為大型股份中嘅穩陣之選，但業績唔算好理想，反而其他經濟增長可觀嘅地區銀行就做得更好。