【期匯決算】歐元有機下試1.1357水平

【Now財經台】歐洲央行一如預期減息0.25厘，但暗示減息周期或結束，自去年6月起，歐央行累計減息8次，累減逾200點子。歐元區最新通脹率已降至略低於2%，歐央行減息周期係咪快將完結？貿易戰會唔會令更多資金流入歐元資產，刺激歐元向上？

獨立外匯商品分析師盧楚仁指，雖然歐央行連續減息8次，但歐元未見轉弱，反而繼續向上，主要係美匯指數弱勢，令非美貨幣強勢。若歐洲通脹率維持現水平，歐央行未必有減息壓力，不過，若通脹率持續偏低，唔排除歐央行會繼續減息。

Jasper又話，昨日(5日)歐元升到1.15之後顯著回落，投資者要留意貿易談判嘅進展，以及今晚美國公布嘅非農數據對美匯指數有咩影響，佢估計，歐元喺1.15水平已見頂，一旦再有不利消息，或會下試1.1357水平。