【名家給力場】小心港股「六絕月」上半場現假突破(上)

【Now財經台】美國關稅政策執行情況陷入亂局，美國聯邦巡迴上訴法院昨日(29日)就特朗普(Donald Trump)政府提出上訴，暫時擱置美國國際貿易法院(Court of International Trade)日前叫加關稅嘅裁決，即上訴期間關稅繼續生效，不過，美股昨晚反應唔大，港股今日(30日)更回套返昨日因關稅暫緩而反彈嘅升幅，點解會出現呢個情況，港股即將踏入「六絕月」，投資者應該點部署？

勝利證券首席顧問陳建良指，特朗普上任後，市場一直關注佢喺社交平台X嘅言論，因為覺得佢喺X講嘅嘢都會執行，但經過呢幾個月，發現特朗普嘅言論其實係一種討價還價嘅策略，另一方面，美國總統嘅權力係會受到限制，佢講嘅嘢未必可以完全執行到，令市場反應愈嚟愈平淡，KL相信，呢個情況將會持續。

港股方面，KL估計，要小心6月上旬第1個突破有機會係假突破，投資者唔好跟車太貼，亦唔好對一啲消息太敏感，至6月下旬或會出現同美債及關稅嘅傳言，佢又認為，6月盡量避免追細，亦可能會出現資金輪動情況。