【期匯決算】趁美元反彈吼位沽

【Now財經台】美國國際貿易法院(Court of International Trade)裁定美國總統特朗普(Donald Trump)4月2日公布嘅關稅措施越權，消息一出，美匯指數即時上返100關，美元後市會點行？

亨達集團助理總經理羅明立認為，美元短期會有反彈，但唔代表轉勢，因為特朗普嘅政策會為美元帶嚟壓力，甚至有機會削弱美元嘅國際地位及吸引力，因此，投資者宜趁美元反彈吼位沽，喺後市冇明確方向下，佢估計，美匯指數暫時會喺98.5至101上落。