【名家給力場】關税開始影響美國通脹(上)

【Now財經台】自從美國總統特朗普(Donald Trump)上任以嚟，涉及關稅、財政及外交等爭議不絕，甚至觸發金融市場動盪，之前中美為關稅戰設咗90日「休戰期」，7月初就會結束，不過，近期美國部分經濟數據仍然強勁，其中，昨晚(27日)出爐嘅消費信心，錄得4年以來最大單月升幅，並好過預期，消費者係咪太樂觀？

「股市漁夫」創辦人莊志雄指，哈佛商學院有一個美國零售品價格指數，而呢個指數喺特朗普宣布完解放日就已經飆升，本土產品定進口產品都大升，反映咗通脹預期，而喺正常情況下，本土產品唔應該太受關税影響，但見到指數明顯高過3月，雖然5月12日宣布暫停關税之後，指數有紓緩跡象，但估計指數未來會繼續升。

Lewis又指，睇返美國網站Truflation嘅實時指標，見到美國實質通脹指數同1個月前相比，已經升咗0.5個百分點，而呢個升幅係受關税影響，反映美國關税開始影響通脹。此外，長債拍賣反應差，都係受美國長期通脹影響，加上財赤問題及特朗普嘅政策，每樣嘢都反映今年嘅減息空間會愈來愈細。