【專家分析】小米自研晶片「玄戒O1」有一個問號

【Now財經台】小米集團(01810)將會喺周四(22日)晚上舉行戰略新品發布會，推出手機SoC晶片玄戒O1、新款手機15S Pro等，其中，「玄戒O1」採用自家製3納米製程，係咪為市場帶嚟驚喜？

博威環球證券金融首席分析師聶振邦，「玄戒O1」的確令人有驚喜，對產業嚟講亦係1個利好因素，相信內地陸續有公司製造新晶片，提振科技發展，但值得留意係，雖然有技術，但最終可唔可以量產，繼而提升集團收入，仍然係一個未知數。

聶Sir又話，小米已有穩健嘅盈利基礎，未來仍有空間投入更多資源，提升商品議價能力，擴大手機市場佔有率，進一步拋離其他對手。