【專家分析】揀呢隻航運股唔怕「搭沉船」

【Now財經台】航運股今個月以嚟普遍都有得升，其中，東方海外國際(00316)月初至今反彈逾5%，中遠海控(01919)更彈高逾6%。美國總統特朗普(Donald Trump)嘅關稅政策仍然唔明朗，加上紅海危機後嘅搶運潮消退，集裝箱行業出現過剩情況，呢啲問題都困擾住航運業，點睇航運股前景？

王道資本及家族資產管理執行董事黃敏碩指，部署航運股要非常審慎，業務以東南亞為主嘅航運股防守性較大，而喺一眾航運股中，海豐國際(01308)可以睇高一線，因為海豐嘅東南亞業務佔比大，雖然股價表現唔及東方海外及中遠海控咁亮麗，但股價對經濟敏感度高，相對其他航運股比較穩陣。