【專家分析】關稅談判現曙光美元繼續跌？

【Now財經台】中美關稅談判似乎再有新進展，國務院副總理何立峰稍後會出訪瑞士，期間將會同美國財長貝森特(Scott Bessent)會面，貝森特日前話，相信談判一事好快有實質進展。此外，美國總統特朗普(Donald Trump)昨晚(6日)喺白宮亦會見加拿大總理卡尼(Mark Carney)，加元應聲向上，美元就繼續走弱，美匯指數之前上過100水平，但企唔穩，美元後市會點行？

博威環球證券金融首席分析師聶振邦估計，美元之後會繼續面對沽壓，因為市場對美國經濟前景唔樂觀，加上現時美國債務高達36萬億美元，龐大嘅債務一定會拖累美元，美匯指數最新已失守100水平，重返2022年4月時嘅水平，反映美元走勢持續偏弱，短期要留意美匯指數喺95至97水平有冇支持。