【名家給力場】美股5月宜高沽低買(上)

【Now財經台】近期不斷傳嚟為關稅降溫嘅消息，包括市傳美國多次釋出談判訊號，中方就回應指，依家正在評估，似乎中美展開談判現曙光，加上美國多家科技巨企季績靚，帶動股價業績後造好，繼而推升美股，其中，道指近期已自低位累計反彈逾3000點，今輪反彈可以持續幾耐？不過，關稅問題時好時壞，投資者應該點部署？

勝利證券首席顧問陳建良認為，美股今輪反彈應該已接近尾聲，早前大跌係因為市場擔心關稅問題，但之後傳出中美談判消息，更指會大幅下調關稅，令市場開始變得樂觀，帶動美股反彈。

但KL認為，由於最終結果仍然係未知之數，因此，佢估計，美股5月市況會開始變Chok，但波幅會持續收窄，建議投資者高沽低買。